|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 346 Hüküm no: 482 Orijinal metin no: [264-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Yemendi v. Nikola’nın İsak v. Benefşe’den bir yıl vade ile on riyâlî guruş ödünç aldığı
Havâss-ı aliyye kazâsına tâbi‘ Hasköy’de sâkin Yemendi v. Nikola nâm zimmî meclis-i şer‘-i hatîr-i lâzımü’t-tevkīrde işbu râfi‘-i hâze’s-sifr İsak v. Benefşe nâm Yahudi mahzarında bi’t-tav‘i’s-sâf ikrâr ve takrîr-i kelâm edip mezbûr İsak’dan bi-tarîki’l-karz iki yüz on riyâlî guruş istikrâz eyledim ve mukābelesinde karye-i mezkûrede vâki‘ silk-i mülkümde münselik olup lede’l-ahâlî ve’l-cîrân ma‘lûmü’l-hudûd olan bir bâb yağhânemin hüccetlerini mezbûr İsak yedinde rehin vaz‘ eyleyip meblağ-ı merkūm iki yüz on riyâlî guruşun edâsını târih-i kitâbdan bir sene tamâmına değin müeccel eyledik, târih-i mezbûr tamâmında zimmetimde lâzımü’l-edâ ve vâcibü’l-kazâ deynimdir dedikde mukırr-ı merkūmun minvâl-i muharrer üzre sudûr ve zuhûr eden ikrâr ve i‘tirâfını el-mukarru lehü’l-mezbûr İsak bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Hurrire fi’l-yevmi’s-sânî ve’l-ışrîn min Ramazâni’l-mübârek li sene ihdâ ve hamsîn ve elf.
Şuhûdü’l-hâl: Ramazan Bey b. Abdullah, Usta Pîrî b. Rıdvan, Ali b. Abdullah, Hüseyin b. Ali, Ahmed b. Mehmed, Nehred v. Evedik
|