|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 359 Hüküm no: 507 Orijinal metin no: [274-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Yasef v. Yusuf’un Naso v. David’e deyni olduğunu ikrârı ve kefil olunduğu
Hasköy mahallâtından Pîrî Paşa mahallesinde sâkin olan Câne cemâ‘atinden Yasef v. Yusuf nâm Yahudi tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde bâ‘is-i hâze’l-kitâb Portakal cemâ‘atinden Naso v. David’e üzerinde ve zimmetinde mikdârı ve nisâbı iki yüz elli kıt‘a riyâlî guruş diye mu‘teber olan sikke-i meskûke karz-ı şer‘îden üzerinde lâzımü’l-edâ ve vâcibü’l-kazâ deyni olduğunu ikrâr-ı sahîh-i şer‘î ve i‘tirâf-ı sarîh-i mer‘î edip dâyin-i mezbûr tarafından da vicâhen tasdîk olundukdan sonra Döne bt. Eslâh nâm Nasrâniyye emr-i kabûlü hâviye kefâletle kefîl oldu. Cerâ zâlike ve hurrire fi’l-yevmi’l-hâmis ve’l-ışrîn min şehri Saferi’l-hayr sene isneyn ve hamsîn ve elf.
Şuhûdü’l-hâl: Mehmed b. İbrahim, Ahmed Çelebi b. Mustafa, Ali b. Arslan, Mehmed b. Ali, Ali b. Abdullah, Hüseyin b. Ali
|