.:: İstanbul Kadı Sicilleri ::.


Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 364
Hüküm no: 515
Orijinal metin no: [278-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Manduk v. Avedik’in Eğin kazâsındaki bağını Hazal v. Hobyar’a bey‘ bi’l-vefâ yoluyla sattığı

Vilâyet-i Anadolu’da Eğin kazâsı sâkinlerinden Manduk v. Avedik nâm Ermeni mahfil-i kazâda işbu râfi‘ü’l-kitâb Hazal v. Hobyar nâm Ermeni mahzarında ikrâr ve i‘tirâf edip kasaba-i mezbûrede vâki‘ bir tarafı Serkis bağıyla ve bir tarafı Yagob bağları[yla] tarafeyni tarîk-i âm ile mahdûd ve mümtâz olan bir kıt‘a mülk bağımı târih-i kitâbdan sene tamâmına te’cîl ile mezbûr Hobyar’a bey‘ bi’l-vefâ ile altmış riyâlî kebîr guruşa bey‘ edip vech-i muharrer üzre ol dahi iştirâ ve kabûl eyledikden sonra kabz-ı semen ve teslîm-i müsemmen eyledim dedikde gıbbe’t-tasdîk mâ vaka‘a ketb olundu. Hurrire fi’l-isneyn min şehri Rebî‘ılâhir li sene isneyn ve hamsîn ve elf.


Şuhûdü’l-hâl: Mustafa Efendi el-İmâm, Mustafa Ağa zâbit-i Hasköy, Mustafa Bey subaşı, Cânem v. Norez, Haçoh v. Hazal, Bîzâr v. Serkis, Ali el-muhzır ve gayruhüm