|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 365 Hüküm no: 517 Orijinal metin no: [279-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Seyfi b. Pîrî’nin evini Yahuda v. Avraham’a sattığı
Oldur ki Havâss-ı Kostantıniyye muzâfâtından Hasköy’de vâki‘ Pîrî Paşa mahallesi sâkinlerinden Seyfi b. Pîrî nâm kimesne mahfil-i kazâda işbu râfi‘ü’l-kitâb Yahuda v. Avraham nâm Yahudi mahzarında bi’t-tav‘i’s-sâf ikrâr ve i‘tirâf edip mahalle-i mezbûrede vâki‘ bir tarafı babam mezbûr Pîrî mülkü ile ve bir tarafı müşterî mezkûr Yahuda mülkü ile ve iki tarafı tarîk-i âm ile mahdûd ve mümtâz olup iki bâb tahtânî odayı ve bi’r-i mâ’ı ve kenîfi ve eşcâr-ı müsmire ve gayr-ı müsmireyi müştemil olan mülk menzilimi cemî‘ levâhıkıyla mezbûr Yahuda’ya yüz elli kıt‘a nakd-i râyic fi’l-vakt riyâlî kebîr guruşa tarafeynden îcâb ve kabûlü hâvî bey‘-i bâtt-ı sahîh-i şer‘î ile ile bey‘ edip kabz-ı semen ve teslîm-i müsemmen eyledim ba‘de’l-yevm menzil-i mezbûr Yahuda’nın mülk-i müşterâsıdır keyfemâ yeşâ ve yehtâr mutasarrıf olsun dedikde gıbbe’t-tasdîki’ş-şer‘î mâ vaka‘a ketb olundu. Hurrire fi’l-yevmi’l-hâmis min şehri Rebî‘ılâhir li sene isneyn ve hamsîn ve elf.
Şuhûdü’l-hâl: İbrahim Ağa b. Yunus el-Cündî, Mehmed Halîfe el-Müezzin, Mehmed Çelebi b. Bilal, Abdünnebi b. Veli er-Râcil, Mustafa Beşe b. Veli, Ahmed Beşe b. Musa er-Râcil, Mustafa b. Abdullah, Ali b. Abdullah
|