|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 372 Hüküm no: 529 Orijinal metin no: [285-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Saliha bt. Ahmed’in kocası Mehmed b. Mustafa’dan muhâlaa ile boşandığı
Oldur ki Havâss-ı aliyye kazâsı tevâbi‘inden Hasköy’de vâki‘ Ahmed Çelebi mahallesi sâkinelerinden Saliha bt. Ahmed nâm hâtun meclis-i şer‘-i şerîfde işbu râfi‘ü’l-vesîka zevci Mehmed b. Mustafa nâm kimesne mahzarında ikrâr-ı tav‘î edip zevcim mezbûr Mehmed ile altı yüz akçe mehr-i müeccelimden ve nafaka-i iddetimden ve sâir zevciyyete müte‘allik olan da‘vâ ve mutâlebât ve münâza‘ât ve muhâsamâtdan fâriğa olmak üzre [hul‘] eyleyip min ba‘d ol benden ve ben andan kat‘-ı alâka ve terk-i nizâ‘ eyledik dedikde mezbûr Mehmed dahi ve[ch-i] meşrûh üzre ben dahi hul‘ eyledim dedikde gıbbe’t-tasdîki’ş-şer‘î mâ vaka‘a kayd şüd. Hurrire fi’l-yevmi’s-sâbi‘ min şehri Cumâdelûlâ li sene isneyn ve hamsîn ve elf.
Şuhûdü’l-hâl: Fahrü’l-akrân Mustafa Ağa zâbit-i Hasköy hâlen, Mustafa Bey b. Mehmed subaşı-yı Hasköy hâlen, Mehmed Çelebi el-Müezzin, Halil b. Şükrullah, Mehmed b. Mustafa, Osman b. Bekir, Mehmed b. Abdullah, Ali b. Abdullah el-muhzır ve gayruhüm
|