Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 382 Hüküm no: 547 Orijinal metin no: [296-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Masko v. Mihal’in bağını Sitti Hâtun Vakfı’na bey‘ bi’l-istiğlâl yoluyla sattığı Masko v. Mihal nâm zimmî tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde ikrâr ve i‘tirâf edip hâmil-i hâze’l-kitâb Merhûme Sitti Hâtun Vakfı’na mütevellî olan kıdvetü ulemâ’i’l-muhakkıkīn zübdetü’l-fuzalâ’i’l-müdekkıkīn Mehmed Efendi b. el-merhûm Ali’ye Galata-i mahmiye bağları arasında vâki‘ bir tarafdan Arabacıbağı bağı ve bir tarafdan Belâş v. Yorgi bağı ve Murad el-Hayyât bağı ve bir tarafdan tarîk-i âm ile mahdûd olup bu akdin sudûruna değin kendi mülkünde ve yedinde ve taht-ı tasarrufunda olan üzüm bağının tamâmını cümle hukūk ve merâfıkı ile râyic fi’l-vakt dört bin beş yüz fıddî akçe semen-i mu‘ayyene bey‘ ve şirâ-yı sahîh-i şer‘î ile bey‘ ettikde ol dahi vakf-ı mezbûrun mâlı ile iştirâ ettikden sonra ba‘de’t-tekābuz târih-i kitâbdan sene-i kâmile tamâmına değin altı yüz yetmiş beş akçe nakd-i mezbûra îcâr ve istîcâr-ı sahîh-i şer‘î ile îcâr ettiğini ikrâr ve i‘tirâf-ı sarîh-i mer‘î ettikde müteveffâ-yı müşârun-ileyh tarafından zikredileni ikrâr ve tasdîke vekîl olup vekâleti tarîkü’s-sübût ile şer‘an sâbit olan mezbûr Murad Bey b. ( ) tarafından dahi vicâhen tasdîk olundukdan sonra mezbûr bağın mahsûlüne ve ücret-i merkūma [297] mukırr-ı merkūm Yorgi v. Nikola’nın babası Beyoğlu Sarayı mahallesinde sâkin Mihal v. Manol nâm zimmî emr-i kabûlü hâviye kefâlet-i sahîha-i şer‘iyye ile kefîl oldukda [kayd-ı sicil olundu.] Cerâ zâlike ve hurrire fî evâhiri şehri Recebi’l-ferd min şuhû[r-i] sene isneyn ve hamsîn ve elf. Şuhûdü’l-hâl: Mustafa Çelebi b. Ali el-Müezzin, Mehmed Bey b. Receb el-bevvâb-ı Sultâ[nî], Şaban b. ( ) en-neccâr, Yusuf b. Abdullah, Ahmed Halîfe b. ( )