Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 383 Hüküm no: 548 Orijinal metin no: [297-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Haydar v. Yasef’in Mustafa b. Murad’dan alacak davasında sulh oldukları Havâss-ı aliyye kazâsına tâbi‘ Hasköy sâkinlerinden Yahudi tâ’ifesinden Haydar v. Yasef nâm Yahudi mahfil-i kazâda işbu bâ‘isü’l-kitâb Mustafa b. Murad muvâcehesinde takrîr-i da‘vâ kılıp mezbûr Mustafa’da dükkân kirâsından üç yüz otuz akçe hakkım vardır, suâl olunup icrâ-yı hak olunmak matlûbumdur dedikde gıbbe’s-suâl ikrâr ve i‘tirâf edip fi’l-vâki‘ üç yüz otuz akçe var idi lâkin teslîm eyledim dedikde merkūm Yahudi inkâr edicek mezbûr Mustafa şâhidden âciz olmağın yemîn verildikden sonra meblağ-ı mezbûr üç yüz otuz akçeyi iki yüz otuz akçe ile sulh olduklarında kayd-ı sicil olundu. [sene 1052] Şuhûdü’l-hâl: Ali el-muhzır, Mehmed b. Mustafa ve gayruhüm