Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 385 Hüküm no: 552 Orijinal metin no: [299-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Papa Yani v. Dimitri’nin Kalva v. Diyas’taki alacağının ödenmesi Havâss-ı aliyye kazâsına tâbi‘ Hasköy sükkânından Papa Yani v. Dimitri nâm zimmî mahfil-i kazâda sefîne re’îslerinden Kalva v. Diyas nâm zimmî mahzarında üzerine da‘vâ ve takrîr-i kelâm edip mezbûr Kalva zimmetinde cihet-i karz-ı şer‘îden dört bin üç yüz elli akçe hakkım vardır suâl olunup alıverilmesi matlûbumdur dedikde, gıbbe’s-suâl mezbûr Kalva cevâbında fi’l-hakīka müdde‘î-i mezbûr Papa Yani’nin cihet-i karz-ı şer‘îden zimmetimde dört bin üç yüz elli akçe vardır deyû ikrâr ve i‘tirâf etmeğin ikrârı mûcebince meblağ-ı mezbûr dört bin üç yüz elli akçeyi müdde‘î-i mezbûra edâya mezbûr Kalva’ya tenbîh birle mâ vaka‘a bi’t-taleb ketb olundu. Tahrîren fi’l-yevmi’l-ışrîn min Şevvâli’l-mükerrem [li] sene isneteyn ve hamsîn ve elf. Şuhûdü’l-hâl: Hasan Beşe b. Hüseyin, Hüseyin b. Gazanfer?, Mehmed b. Nasuh, Ali b. Abdullah el-muhzır