Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 396 Hüküm no: 573 Orijinal metin no: [307-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Ağa’nın vasîsi olduğu yetimlerin malından borç verdiği İbrahim Ağa tarafından vekîl olan Ferhad meclis-i şer‘a gelip takrîr-i merâm edip işbu Hamamcı Mustafa muvâcehesinde takrîr-i kelâm edip İbrahim Ağa bundan akdem Mehmed ve Ahmed nâm yetîmlerin vasîleri olup hâlen yetîmlerin mâllarından mezbûr Hamamcı Mustafa’ya sekiz bin nakid akçe karz verip ve zarar-ı mâla hâtunu Fâtıma bt. Ahmed Çelebi kefîl olmuşdur suâl olunup sicil olunmasını taleb ederim dedikde, gıbbe’s-suâl ikrâr edip mâ vaka‘a ketb olundu. Tahrîren fî evveli Şa‘bâni’l-mu‘azzam sene ışrîn ve elf. Şuhûdü’l-hâl: Bahâüddin b. Hüseyin, Hamza Bey b. Abdullah, Mahmud Çelebi b. Mustafa, Hasan b. Mehmed, Hasan Çelebi subaşı, Mehmed Çelebi (…)