Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 108 Hüküm no: 64 Orijinal metin no: [14a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Meryem bt. Anton’a eşya bedelinden olan borcunu ödemesi hususunda Râbia bt. Musa’ya tenbihte bulunulması Hüccet, ikrâr mertebesin hükm, inkârın beyyineye havâle Mahmiye-i İstanbul’da Abdisubaşı mahallesinde sâkine Meryem bt. Anton nâm Nasrâniye meclis-i şer‘-i şerîfde işbu bâ‘isetü’l-kitâb Râbia bt. Musa nâm hatun mahzarında üzerine da‘vâ ve takrîr-i kelâm edip mezbûre Râbia zimmetinde târîh-i kitâbdan ( ) mukaddem yedimden iştirâ ve kabz etdiği bir merdâne kırmızı kumaş kaftan semeninden dokuz guruş ve iki ipek kenarlı gömlek bahâsından yedi esedî guruş ve iki uçkur bahâlarından birer esedî guruş ve bir şerbetî makrama bahâsından dört buçuk esedî guruş cem‘an yirmi iki buçuk esedî guruş hakkım olmağla suâl olunup alıverilmesi matlûbumdur dedikde gıbbe’s-suâl mezbûre Râbia, müdde‘î-i mezbûra cihet-i mezbûreden ancak bin dört yüz elli akçe deynim vardır deyü ikrâr ziyâdeyi inkâr etmekle müdde‘î-i mezbûr ziyâde da‘vâsı için beyyineye havâle olundukdan sonra mûcebince bin dört yüz elli akçeyi müdde‘î-i mezbûra edâ ve teslîme mezbûre Râbia’ya tenbîh olunmağın mâ-vaka‘a bi’t-taleb ketb olundu. Fi’l-yevmi’s-sânî min-Cumâdelâhire li-sene ihdâ ve semânîn ve elf. Şuhûdü’l-hâl: Mustafa Çelebi b. el-Hâc Ahmed, Abdi Çelebi b. Hasan, Şükrullah Bey b. Mustafa, İbrahim Çelebi b. Mehmed.