Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 51 Hüküm no: 19 Orijinal metin no: [15-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mayer v. Mosi’nin Rus asıllı câriyesi Saltane bt. Pevân’ı azat ettiği Havâss-ı Aliyye kazâsı müzâfâtından kasaba-i Hasköy mahallâtından Kiremitçi Ahmed Çelebi mahallesinde sâkin Mayor cemâ‘atinden Mayer v. Mosi nâm Yahudi meclis-i şer‘-i hatîr-i lâzımü’t-tevkīrde kendi için rıkkıyyetini mu‘terife olan işbu kısa boylu açık kaşlı gök elâ gözlü sarışın Rûsiyyetü’l-asl râfi‘atü’s-sifr Saltane bt. Pevân nâm câriye-i memlûkesi muvâcehesinde bi tav‘ihî ikrâr ve i‘tirâf edip evsâf-ı merkūmeyi muttasıfe olan merkūme Saltane’yi hasbeten lillâhi te‘âlâ cemî‘ malımdan âzâd ve i‘tâk ve ihrâc eyledim [ba‘d] el-yevm evsâf-ı merkūme ile muttasıfe olan mezbûre Saltane sâir ahrâr-ı asliyyât gibi hürre olup üzerinde olan hakk-ı velâdan gayrı hakkım bâkī kalmadı dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Hurrire fi’l-yevmi’s-sâlis aşer min Zilhicceti’ş-şerîfe li sene hamsîn ve semânîn ve elf. Şuhûdü’l-hâl: Ahmed Efendi b. İsa, Ali Çelebi el-Muhtesib, İbrahim Çelebi b. Dilâver, Mahmud Çelebi b. Mehmed, Mehmed Beşe b. Ahmed, Sefer Bey b. Abdullah, Mustafa Beşe b. Yahya ve gayruhüm