Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 75 Hüküm no: 60 Orijinal metin no: [36-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Çelebi b. Hasan’ın Ramazan Efendi’deki alacağına kefil olan oğlu Hüseyin Ağa’yı kefâletten ıskât ettiği Budur ki mahrûse-i Galata mahallâtından Müeyyedzâde mahallesinde sâkin Mustafa Çelebi b. Hasan nâm kimesne meclis-i şer‘-i hatîr-i lâzımü’t-tevkīrde işbu râfi‘ü’l-kitâb Hüseyin Ağa b. Ramazan Efendi mahzarında ikrâr ve takrîr-i kelâm edip gāib ani’l-meclis olup mezbûr Hüseyin Ağa’nın babası mezbûr Ramazan Efendi zimmetinde cihet-i karz-ı şer‘îden iki bin iki yüz kıt‘a esedî guruşu mezbûr Hüseyin Ağa emr ve kabûlü hâvî kefâlet-i sahîha-i şer‘iyye ile kefîl olup mezbûr Hüseyin Ağa’nın babası gāib-i mezbûr Ramazan Efendi mevcûd olmamağın? asl-ı zimmeti meblağ-ı mezbûr iki bin iki yüz esedî guruşu taleb ederim kefîl-i mezbûr Hüseyin Ağa’nın zimmetini cihet-i kefâletden ibrâ-i âmm-ı kātı‘ü’n-nizâ‘ ile ibrâ ve iskāt eyledim eğer kefâlet-i mezbûre meblağ-ı mezbûrdan? sudûr ederse lede’l-hükkâmi’l-kirâm [37] mesmû‘a ve makbûle olmasın dedikde mezbûr Hüseyin Ağa mukırr-ı mezbûr Mustafa Çelebi’nin cârî ve sâdır olan ikrârını [vi]câhen tasdîk ve şifâhen tahkīk etmeğin mâ hüve’l-vâki‘ bi’t-taleb ketb olundu. Fi’l-yevmi’s-sâdis aşer min Cemâziyelâhir li sene seb‘în ve semânîn ve elf. Şuhûdü’l-hâl: Ali Efendi el-İmâm, el-Hâc Mehmed b. İbrahim, Murad Efendi, Abdülbâkī Efendi b. Ahmed Efendi el-İmâm, Musa Çelebi b. İbrahim Çelebi, İbrahim Efendi b. Ali, Mustafa Beşe b. Mehmed, İbrahim Beşe b. Halil, İbrahim Çelebi, İbrahim Beşe b. Ahmed, Mustafa Çelebi b. ( ) el-Müezzin, Ahmed Çelebi b. Abdullah el-…?, Mustafa Halîfe b. Mehmed el-Müezzin, İbrahim Çelebi b. ( ) ve gayruhüm [min]e’l-huzzâr