Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 75 Hüküm no: 61 Orijinal metin no: [37-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İlyas v. Mosi’nin Leh asıllı Aşko bt. Nikola adlı câriyesiyle azatlık sözleşmesi yaptığı Budur ki Havâss-ı Aliyye kazâsına tâbi‘ kasaba-i Hasköy mahall[âtından] Kiremitçi Ahmed Çelebi mahallesi ahâlîsinden İlyas v. Mosi nâm Yahudi meclis-i şer‘-i şerîfde kendiye rıkkını mu‘[te]rife olan işbu orta boylu açık kaşlı gök elâ gözlü çenesinde hâl-i siyahî olan Lehiyyetü’l-asl bâ‘is[et]ü hâze’s-sifr Vişko v. Nikola nâm câriyesi muvâcehesinde ikrâr ve takrîr-i kelâm edip mevsûfe-i mezbûre Vişko v. Nikola nâm [câriyeyi] târih-i kitâbdan dört sene tamâmına değin bana istikāmet ile hizmet edip sinîn-i mezbûre tamâmında mevsûf[e]-i mezkûr[e] Vişko sâir [a]hrârü’l-asliyyât gibi hürre olsun dedikde mevsûf[e]-i mezkûr[e] Vişko dahi vech-i muharrer üzre sinîn-i mezbûrede istikāmet ile hizmet etmeyi müte‘ahhide olmağın mâ cerâ bi’l-ibtigā ketb olundu. Fi’l-yevmi’s-sâdis aşer min Cumâde[l]âhire li sene seb‘în ve semânîn ve elf. Şuhûdü’l-hâl: Receb Beşe b. Nasuh, İbrahim Beşe b. Abdünnebi, Ahmed b. Abdullah, Mehmed Bey b. Ali el-Muhtesib, Mustafa Beşe b. Süleyman, İbrahim Çelebi b. Dilâver ve gayruhüm mine’l-huzzâr