Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 115 Hüküm no: 74 Orijinal metin no: [16a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine Hatun’a elbise bedelinden olan borcunu ödemesi hususunda Safiye Hatun’a tenbih olunması Hüccet, zimmetinde olan meblağ hüküm, Mahmiye-i İstanbul’da Beyceğiz mahallesi sâkinelerinden Emine bt. Mehmed nâm hatun meclis-i şer‘-i şerîfde Safiye bt. Abdullah nâm hatun mahzarında üzerine da‘vâ ve takrîr-i kelâm edip yedimden müşterâ ve makbûz beynimizde ma‘lûm esvâb semeninden mezbûre Safiye zimmetinde bin dört yüz otuz akçe hakkım vardır suâl olunup alıverilmesi matlûbumdur dedikde gıbbe’s-suâl mezbûre Safiye cevâbında vech-i muharrer üzere esvâb semeninden müdde‘iye-i mezbûreye zimmetinde vâcibü’l-edâ ve lâzımü’l-kazâ bin dört yüz akçe deyni olduğunu bi-tav‘ihâ ikrâr etmeğin mûcebince meblağ-ı mezbûru müdde‘iye-i mezbûreye edâya merkūme Safiye’ye ba‘de’t-tenbîh mâ-vaka‘a bi’t-taleb ketb olundu. Fi’l-yevmi’r-râbi‘ aşer min-Cumâdelâhire li-sene ihdâ ve semânîn ve elf. Şuhûdü’l-hâl: İbrahim Çelebi. b. Ahmed, Veli Bey b. Mahmud, Şükrullah Bey b. Mustafa, Abdi Çelebi b. Hüseyin.