Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 85 Hüküm no: 79 Orijinal metin no: [47-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Safiye bt. Mustafa’nın kocası Yusuf b. Abdullah’tan muhâlaa ile boşandığı Havâss-ı Aliyye kazâsı müzâfâtından kasaba-i Hasköy’de Keçeci Pîrî mahallesinde sâkine Safiye bt. Mustafa nâm hâtun meclis-i şer‘-i hatîr-i lâzımü’t-tevkīrde zevc-i dâhilün bihâsı bâ‘is-i hâze’l-kitâb Yusuf b. Abdullah mahzarında ikrâr-ı tâm ve takrîr-i kelâm edip zevcim mezbûr Yusuf ile hüsn-i zindegânemiz olmamağla beynimizde şikāk ve adem-i vifâk vâki‘ olmağın zimmetinde mütekarrir ve ma‘kūdun aleyh olan bin akçe mehr-i müeccelimden ve nafaka-i iddet-i mu‘ayyenemden ve me’ûnet-i süknâmdan dahi fâriğa olmak üzre zevcim mezbûr Yusuf ile muhâla‘a-i sahîha-i şer‘iyye [ile] hul‘ eyleyip ol dahi vech-i muharrer üzerine hul‘-ı mezbûru kabûl eylediğinden sonra zevciyyete ve gayra müte‘allika da‘vâdan birbirimizin zimmetlerini ibrâ-i âmm-ı kātı‘ü’n-nizâ‘ ile ibrâ ve iskāt eyledik dedikde mukırra-i mezbûre Safiye’nin cârî ve sâdır olan ikrârını mezbûr Yusuf vicâhen tasdîk ve şifâhen tahkīk etmeğin mâ hüve’l-vâki‘ [kayd olundu]. ( ) Şuhûdü’l-hâl: Mehmed Çelebi b. Siyavuş, Abbas Çelebi b. Abdülkādir, Hasan Çelebi b. Mustafa?, İbrahim