Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 98 Hüküm no: 102 Orijinal metin no: [59-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Serkis v. Devletyar’ın Eğin’deki bağının İlyo v. Aleksandri’ye satıldığı Vilâyet-i Anadolu’da vâki‘ Eğin nâm kasaba sükkânından olup hâlâ Havâss-ı Aliyye kazâsına tâbi‘ [kasaba-i] Hasköy’de müsâferet vechi üzre sâkin olan Serkis v. Devletyar nâm Ermeni meclis-i şer‘de işbu bâ‘isü’s-sifr Mankasar v. Ağozar nâm Ermeni muvâcehesinde bi’t-tav‘i’s-sâf ikrâr ve i‘tirâf edip kasaba-i mezkûre kurbunda vâki‘ Murad Köprüsü demekle ma‘rûf mevzi‘de vâki‘ bir tarafı Pervâz nâm Ermeni bağına ve bir tarafı Nazali nâm Ermeni bağına ve iki tarafı tarîk-ı âm ile mahdûd olan mülk bağımı bundan akdem bey‘a tarafımdan mezbûr Mankasar‘ı vekîl nasb ve ta‘yîn etmiş idim mezbûr dahi varıp vekâleti hasebiyle bağ-ı mezkûru iki yüz esedî guruşa kasaba-i mezbûre sükkânından İlyo v. Aleksandri nâm Ermeniye bey‘ ve teslîm ve semen-i mezbûru ahz ü kabz ve bana bi’t-tamâm edâ ve teslîm edip zimmetinde semen-i merkūmdan bir akçe ve bir habbe hakkım bâkī kalmadı dedikde gıbbe’t-tasdîk mâ vaka‘a bi’t-taleb ketb olundu. Tahrîren fi’l-yevmi’s-sâbi‘ ve’l-ışrîn min şehri Rebî‘ilâhir li sene tis‘în ve semânîn ve elf. Şuhûdü’l-hâl: İbrahim b. Dilâver, Ali b. Abdurrahman, Kasbar v. Serkis, Moses v. Hobyar, Canim v. Serkis, Asvader v. Avik, Asvader v. Bayek, Mandis v. Hobsar, Bahadır v. Bayek, Avanos v. Hokaz