Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 118 Hüküm no: 78 Orijinal metin no: [16b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Çelebi’nin Rus asıllı cariyesi Belkıs’ı azat etmesi Mahmiye-i İstanbul’da Caferağa mahallesi sâkinlerinden fahrü’l-emâsil ve’l-e‘âlî Mustafa Çelebi b. Ali nâm kimesne meclis-i şer‘-i şerîf-i Ahmedî ve mahfil-i dîn-i münîf-i Muhammedî’de tav‘an ve rağbeten ikrâr-ı tâm ve takrîr-i kelâm edip bana rıkkiyetini mu‘terife olan uzun boylu, açık kaşlı, kara gözlü Rusiyyetü’l-asl bâ‘isetü hâze’l-kitâb Belkıs bt. Abdullah nâm câriye-i memlûkemi hasbeten lillâhi te‘âlâ ve taleben li-merzâti’r-Rabbi’l-a‘lâ tahrîr ve i‘tâk ve zümre-i harâir-i asliyâta ilhâk eyledim, ba‘de’l-yevm mevsûfe-i mezbûre Belkıs sâir harâir-i asliyât gibi hürre olup mevâlî için şer‘an sâbit olan hakk-ı velâdan gayrı mevsûfe-i mezbûre Belkıs üzerinde hakkım kalmadı dedikde mâ-hüve’l-vâki‘ bi’l-ibtigā ketb ü imlâ olundu. Fi’l-yevmi’t-tâsi‘ aşer min-Cumâdeluhrâ li-sene ihdâ ve semânîn ve elf. Şuhûdü’l-hâl: Umdetü’l-müderrisîni’l-kirâm Ali Efendi b. Sefer, Mehmed Efendi b. Ahmed el-imâm, Mehmed Çelebi b. Hasan, el-Hâc Mehmed b. Abdullah, Hasan Beşe b. Receb, Şükrullah Bey b. Mustafa, Abdi Çelebi b. Hüseyin ve gayruhum mine’l-huzzâr.