Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 118 Hüküm no: 79 Orijinal metin no: [16b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil Çavuş’un Rus asıllı kölesi Şahin’i azat etmesi Mahmiye-i İstanbul’da Saraçhane kurbünde Dülgerzâde mahallesi ahâlîsinden olup Dergâh-ı âlî yeniçerileri çavuşlarından Halil Çavuş b. Mustafa nâm kimesne meclis-i şer‘-i şerîfde bundan akdem rıkka inkıyâdı zâhir ve mütehakkık olan işbu orta boylu gök elâ gözlü Rusiyyü’l-asl hâfızü’l-kitâb Şahin b. Abdullah muvâcehesinde ikrâr-ı tâm ve takrîr-i kelâm edip ıtk-ı rakabât a‘zam-ı kurbât ve vesîle-i ref‘-i derecât ve sebeb-i duhûl-i cennât-ı âliyât olduğundan mâ‘adâ mu‘takın ıtkı mukābelesinde mu‘tıkın cemî‘ uzvu nârdan âzâd olduğunu nâtık hadîs-i şerîfin mefhûmuna muttali‘ olmağın mevsûf-ı mezbûru silk-i mülkümde münselik olduğu hâlde târîh-i kitâbdan üç sene mukaddem hasbeten lillâhi te‘âlâ ve haseneten li-rûhi rasûlihi’l-mu‘allâ tahrîr ü i‘tâk ve zümre-i ahrâr-ı asliyyîne idrâc ü ilhâk etmiş idim. Mevsûf-ı mezbûr târîh-i mezbûrdan beri sâir ahrâr-ı asliyyîn gibi hür olup üzerinde mevâli için şer‘an sâbit olan velâ-yı şer‘îden gayrı hakkım kalmamışdır dedikde mâ-hüve’l-vâki‘ bi’t-taleb ketb olundu. Fi’l-yevmi’t-tâsi‘ aşer min-Cemâziyelâhir li-sene ihdâ ve semânîn ve elf. Şuhûdü’l-hâl: Abdi Ağa b. Sefer, el-Hâc Mustafa Beşe b. İbrahim, Veli Beşe ser-oda, Sefer Çelebi b. Ahmed, Osman Beşe bölük 43.