Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 128 Hüküm no: 147 Orijinal metin no: [83-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Canfedâ bt. Abdullah ile kocası Mustafa b. Ali’nin muhâlaa ile boşandıkları Havâss-ı Aliyye kazâsına tâbi‘ kasaba-i Hasköy mahallâtından Turşucu Hüseyin Çelebi mahallesinde sâkine Canfedâ bt. Abdullah nâm hâtun meclis-i şer‘-i hatîr-i lâzımü’t-tevkīrde zevci işbu bâ‘isü’l-kitâb Mustafa b. Ali mahzarında ikrâr ve takrîr-i kelâm edip zevcim mezbûr Mustafa ile hüsn-i zindegânemiz olmamağla zimmetinde mütekarrir ve ma‘kūdun aleyh olan altı yüz akçe mehr-i müeccelimden ve nafaka-i iddet-i mu‘ayyenemden ve me’ûnet-i süknâmdan dahi fâriğa olmak üzre zevcim mezbûr Mustafa ile muhâla‘a-i sahîha-i şer‘iyye ile hul‘ eyleyip ol dahi vech-i muharrer üzre hul‘-ı mezbûru kabûl eylediğinden sonra zevciyyete ve gayra müte‘allik cemî‘ de‘âvî ve mütâlebâtdan birbirlerimizin zimmetlerini ibrâ-i âm ile ibrâ ve iskāt eyledik dedikde mukırra-i mezbûre Canfedâ’nın cârî ve sâdır olan ikrârını mezbûr Mustafa vicâhen tasdîk ve şifâhen tahkīk etmeğin mâ hüve’l-vâki‘ bi’t-taleb ketb olundu. Fî selhi şehri Rebî‘ilâhir li sene tis‘în ve elf. Şuhûdü’l-hâl: Mustafa Beşe b. Hüseyin, Ahmed Beşe b. Hasan, Ali Çelebi b. Abdurrahman, İbrahim Çelebi b. Dilâver, Dilâver b. Abdullah