Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 130 Hüküm no: 150 Orijinal metin no: [85-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Anastas v. Yorgi’nin Rus asıllı câriyesi Hayka bt. Omil’i azat ettiği Dârü’s-saltanati’s-seniyye mahmiye-i Kostantıniyye’de Fener kapısı hâricinde vâki‘ Abdi Subaşı mahallesi sükkânından Anastas v. Yorgi nâm zimmî meclis-i şer‘-i hatîrde kendiye rıkkını mu‘terife işbu orta boylu sarı kaşlı gök gözlü Rûsiyyetü’l-asl bâ‘iset-i hâze’l-kitâb Hayka bt. Omil nâm câriye-i memlûkesi mahzarında ikrâr ve i‘tirâf edip işbu evsâf-ı merkūme ile mevsûfe olan câriyemi taleben li-hidâyeti’l-hâdî malımdan i‘tâk ve tahrîr ve sâir harâir-i asliyyât zümresine ilhâk ve idrâc eyledim ba‘de’l-yevm üzerinde sâir utekā uhdesinde mevâlî için sâbit olan hakk-ı velâdan gayrı hakkım kalmadı deyû bi’t-tav‘ ve’r-rızâ lâ bi’l-kerh ve’l-cebr ikrâr ve i‘tirâf etmeğin mâ hüve’l-vâki‘ bi’t-taleb ketb olundu. Fi’l-yevmi’s-sâbi‘ min Cumâdelûlâ li sene tis‘în ve elf. Şuhûdü’l-hâl: Mahmud Çelebi b. Mehmed, İbrahim Çelebi b. Dilâver, Dilâver Bey b. Abdullah, İbrahim Beşe b. Abdünnebi, Celâsin? Ali b. Ahmed, Arabzâde Mehmed b. ( ), Ali Çelebi b. Abdurrahman, Mehmed Bey b. Ali