Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 138 Hüküm no: 162 Orijinal metin no: [93-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Avraham v. Yasef’in yetimlerine Danyal v. Yako’nun vasî tayin edildiği Havâss-ı Aliyye kazâsına tâbi‘ kasaba-i Hasköy mahallâtından Kiremitçi Ahmed Çelebi mahallesinde sâkin iken bundan akdem hâlik olan Avraham v. Yasef nâm Yahudinin sulbî sagīr oğulları Sabatay ve Pesah ve Yasef ve sulbiye sagīre kızı Esterola’ya hâlik-i mezbûrdan intikāl eden emvâllerini hıfz ve ahvâllerini zabta bir vasî ta‘yîn olunmak lâzım ve mühim olmağın sıgār-ı mezbûrûnun enişteleri işbu bâ‘isü’r-rakīm Danyal v. Yako nâm Yahudi vesâyet-i mezbûreye mahal ve müstahık olduğunu şifâhen ihbâr etmeğin kıbel-i şer‘den mezbûr Danyal vasî nasb ve ta‘yîn olunup ol dahi vesâyet-i mezbûreyi kabûl ve merâsimini edâya ta‘ahhüd ve ilzâm etmeğin mâ hüve’l-vâki‘ bi’t-taleb ketb olundu. Fi’l-yevmi’r-râbi‘ ve’l-ışrîn min Cumâdelâhire li sene tis‘în ve elf. Şuhûdü’l-hâl: Receb Beşe b. Nasuh, Süleyman Çelebi b. Ramazan, İbrahim Çelebi b. Dilâver, Ali Çelebi b. Abdurrahman, Abdülbâkī b. Ömer