Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 149 Hüküm no: 179 Orijinal metin no: [103-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacı Hasan b. İbrahim’in Karakaş v. Mayer’e sattığı susam yağı bedelinden kalan alacağını talep ettiği ve ödenmesine hükmedildiği Mahmiye-i Üsküdar mahallâtından Kebeci mahallesinde sâkin işbu râfi‘ü’l-kitâb el-Hâc Hasan b. İbrahim nâm kimesne meclis-i şer‘de Havâss-ı Aliyye kazâsı müzâfâtından kasaba-i Hasköy sûkunda bakkal olan Karakaş v. Mayer nâm Yahudi mahzarında üzerine da‘vâ ve takrîr-i kelâm edip târih-i kitâbdan iki ay mukaddem mezbûr Karakaş yedimden iki yüz vakıyye şirûgan iştirâ ve kabz edip her vakıyyesi yirmi dörder akçeye ki cem‘an kırk esedî guruş olup meblağ-ı mezbûrdan on esedî guruşunu bana def‘ ve teslîm ben dahi yedinden ahz ü kabz eylediğimden sonra meblağ-ı mezbûrdan bâkī otuz esedî guruş hakkım kalmağın taleb eylediğimde edâdan imtinâ‘ eder suâl olunup alıverilmesi matlûbumdur dedikde gıbbe’s-suâl mezbûr Karakaş cevâbında fi’l-vâki‘ müdde‘î-i mezbûr el-Hâc Hasan yedinden iki yüz vakıyye şirûgan iştirâ ve kabz edip her vakıyyesi yirmi dörder akçeye ki cem‘an kırk esedî guruş olup meblağ-ı mezbûrdan on esedî guruşunu mezbûr el-Hâc Hasan’a def‘ ve teslîm ol dahi yedimden ahz ü kabz eylediğinden sonra zimmetimde bâkī lâzımü’l-edâ ve vâcibü’l-kazâ otuz esedî guruş deynim vardır deyû bi tav‘ihî ikrâr ve i‘tirâf etmeğin alâ mûceb-i i‘tirâfihî meblağ-ı bâkī mezbûr otuz guruşu müdde‘î-i mezbûr el-Hâc Hasan’a edâya mezbûr Karakaş’a tenbîh birle mâ hüve’l-vâki‘ bi’t-taleb ketb olundu. Fî yevm? 10 min Şa‘bân li sene tis‘în ve elf. Şuhûdü’l-hâl: es-Sâbikūn