Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 153 Hüküm no: 185 Orijinal metin no: [106-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Aslan v. Beraya’nın Rus asıllı Hana bt. Fezasi adlı câriyesi ile azatlık sözleşmesi (mükâtebe) yaptığı Havâss-ı Kostantıniyye -humiyet ani’l-âfât ve’l-beliyye- kazâsı müzâfâtından kasaba-i Hasköy mahallâtından Pîrî Paşa mahallesi ahâlîsinden Aslan v. Beraya nâm Yahudi tarafından husûs-ı âti’l-beyânı ikrâra vekîl olup vekâleti Ali Çelebi b. İbrahim ve diğer Ali Çelebi b. Abdurrahman nâm kimesneler şehâdetleri ile sâbite olan [107] Bahor v. Avraham nâm Yahudi meclis-i şer‘-i hatîr-i lâzımü’t-tevkīrde müvekkil-i mezbûr Aslan’a rıkkıyyetini mu‘terife işbu uzun boylu elâ gözlü açık kaşlı Rûsiyyetü’l-asl bâ‘iset-i hâze’l-kitâb Hana bt. Fezasi nâm câriye-i memlûke mahzarında bi’l-vekâle ikrâr ve takrîr-i kelâm edip müvekkilim mezbûr mevsûfe-i mezbûre Hana’yı târih-i kitâbdan iki sene tamâmına değin istikāmet üzre kendiye hizmet etmeye kitâbete kat‘ eyleyip târih-i mezbûr hulûlünde malımdan âzâd olsun dedi dedikde vekîl-i mezbûrun vech-i muharrer üzre cârî ve sâdır olan ikrârını mevsûfe-i mezbûre Hana vicâhen tasdîk ve şifâhen tahkīk etmeğin mâ vaka‘a bi’t-taleb ketb olundu. Fi’l-yevmi’t-tâsi‘ ve’l-ışrîn min Şa‘bâni’l-mu‘azzam sene 1090. Şuhûdü’l-hâl: Hasan Çelebi b. Mustafa, Receb Beşe b. Nasuh, Ali Çelebi b. İbrahim, Abdullah Çelebi b. Mehmed Ağa, Mustafa Beşe b. Abdullah, Hüseyin b. Hasan, Mustafa Çelebi b. Mehmed, Yusuf Beşe b. Abdullah, Mehmed Ağa b. Abdullah