Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 124 Hüküm no: 87 Orijinal metin no: [18a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yahya Çelebi’nin vefat eden annesinden intikal eden miras hissesini tahsil etmesi Mahmiye-i İstanbul’da Yenibahçe kurbünde sâkine iken bundan akdem vefât eden Hadîce Hatun bt. Abdullah’ın verâseti zevc-i metrûku Receb Çorbacı b. Mehmed ile sulbî kebîr oğlu Yahya Çelebi b. Abdullah nâm kimesneye münhasıra olduğu şer‘an sâbit oldukdan sonra mezbûr Yahya Çelebi meclis-i şer‘-i şerîf-i enverde işbu râfi‘ü’l-kitâb mezbûr Receb Çorbacı muvâcehesinde ikrâr ve takrîr-i kelâm edip vâlidem müteveffâ-yı mezbûrenin mezbûr Receb Çorbacı zimmetinde mütekarrir olan sekiz bin akçe mehr-i müeccelinden ve sâir terekesinden bana isâbet eden nısf hisse-i şer‘iyyeyi mezbûr Receb Çorbacı yedinden tamâmen ahz u kabz edip tereke-i müteveffât-ı mezbûrdan bir akçe ve bir habbe bâkī kalmamışdır dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’s-sâmin aşer min-Cumâdelâhire li-sene ihdâ ve semânîn ve elf. Şuhûdü’l-hâl: el-Hâc Hasan b. Ali, Ali Çelebi b. İbrahim, Mehmed b. Mustafa, Süleyman Çelebi b. Osman, Hasan Çelebi b. Hüseyin.