Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 129 Hüküm no: 94 Orijinal metin no: [19b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eşi Ayşe ile çocukları Mehmed ve İbrahim’i nafakasız bırakarak başka diyara giden Yahya üzerine nafaka takdir olunması Mahmiye-i Kostantıniyye mahallâtından Hadîce Sultan mahallesinde sâkine olan Âişe bt. Muharrem nâm hatun meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzıra olup Yahya b. Abdurrahman nâm zevc-i gāibinin nafaka ve nafaka cinsinden bir şey bırakmadığına veyâ göndermediğine dâir yemîn ettiğinde hâkim-i muvakkı‘-ı a‘lâhu el-mutavakkı‘ rızâi rabbihi ve mevlâhu, nafakası, kisvesi ve sâir havâic-i zarûriyesi için zeyl-i kitâbda mezkûr târîhden i‘tibâren yevmî râyicü’l-vakt dört akçe farz ve takdîr etti. Hâkim-i mezbûr zevc-i merkūmun firâşından hâsıl ve müdde‘iyye-i mesfûreden mütevellide olan Mehmed ve İbrahim nâm sagīreynin nafakası, kisvesi ve sâir havâic-i lâzımesi için her birine üçer akçe olmak üzere altı akçe dahi farz ve takdîr eyledi. Hâkim-i mûmâ-ileyh meblağayn-ı mefrûzeyni sagīreyn-i mezbûreynin havâicine sarfa ve lede’l-hâce istidâne edip vakt-i zaferde zevc-i gāibine rücû‘a mezbûre Âişe Hatun’a izin verdi. Fi’l-yevmi’t-tâsi‘ aşer min-Cumâdelâhire li-sene ihdâ ve semânîn ve elf. Şuhûdü’l-hâl: Şükrullah Bey b. Mustafa, Mustafa Çelebi b. el-Hâc Ahmed, Muharrem Çelebi b. Mehmed, Abdi Çelebi b. Hüseyin, İbrahim Çelebi b. Mehmed.