İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 84 Hüküm no: 43 Orijinal metin no: [4b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mahmud b. Mehmed’in Hasan Beşe’deki alacağını havale yoluyla tahsil ettiği Mahmud b. Mehmed nâm kimesne mahfil-i kazâda zimmî tâ’ifesinden Todori v. Filo nâm zimmî muvâcehesinde ikrâr edip, merkūm Todori’nin Hasan Beşe nâm râcile deyni olup, benim dahi mezbûr Hasan Beşe’de hakkım olan merkūm Todori’den bin dört yüz nakd-i fıddî râyic fi’l-vakt akçe merkūm Hasan Beşe havâle-i sahîha-i şer‘iyye ile havâle etmiş idi. Hâlâ meblağ-ı merkūm bin dört yüz akçesi zimmî-i merkūm yedinden bi’t-tamâm ahz u kabz eyledim, zimmetinden havâle olunan meblağdan bir akçe kalmadı dedikde, gıbbe’t-tasdîk vicâhen mâ vaka‘a ketb olundu. Fî evâhiri Safer sene [1026.] Şuhûdü’l-hâl: Murad b. Mehmed, Ahmed b. Ömer, Mustafa b. Cafer ve gayruhüm.