İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 86 Hüküm no: 47 Orijinal metin no: [4b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Seyyid Mehmed Efendi’nin Hacı Şaban b. Mustafa’dan satın aldığı câriyeyi iade etmesi Fahrü’s-sâdât es-Seyyid Mehmed Efendi el-imâm b. es-Seyyid Ali meclis-i şer‘de el-Hâc Şaban b. Mustafa mahzarında takrîr-i kelâm edip, bundan akdem mezbûr el-Hâc Şaban yedinden Rûsiyyetü’l-asl Zamane bt. Abdullah nâm câriyeyi beş bin yedi yüz akçeye bey‘ eylemiş idim. Lâkin mezbûre câriyenin şer‘an redd-i îcâb eder ayıbı zuhûr etmeğin üzerime hükm-i hâkim ile red olunmuş idi. El-hâletü hâzihî semeni olan meblağ-ı merkūm beş bin yedi yüz akçeyi merkūm el-Hâc Şaban târih-i kitâbdan altmış gün tamamına te’cîl etmeğin, müddet-i mezbûre tamamına müeccel-i mezbûr el-Hâc Şaban’a vâcibü’l-edâ minvâl-i meşrûh üzre beş bin yedi yüz akçe deynim vardır dedikde, mukırr-ı mezbûrun ikrâr-ı meşrûhunu merkūm el-Hâc Şaban vicâhen tasdîk edicek, mâ hüve’l-vâki‘ bi’t-taleb ketb olundu. Tahrîren fi’l-yevmi’t-tâsi‘ aşer min Saferi’l-hayr li sene seb‘a ve ışrîn ve elf. Şuhûdü’l-hâl: Baba Çavuş İlyas, Musa b. İlyas, Osman Bey b. el-Hâc Süleyman ve gayruhüm.