İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 101 Hüküm no: 75 Orijinal metin no: [7b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Anastas v. Yani’nin Aksaray’daki fırınını Niki ile Yani’ye kiraladığı Anastas v. Yani nâm zimmî mahfil-i kazâda işbu hâmilü’l-kitâb Niki v. Koçi ve Yani v. Marko nâm zimmîler muvâcehelerinde ikrâr edip, medîne-i İstanbul’da Aksaray nâm mevzi‘de vâki‘ ma‘lûmü’l-hudûd ekmekci fırını târih-i kitâbdan bir seneye değin ayda sekizer yüz kırkar akçeye îcâr eyledim onlar dahi istîcâr edip, ücret-i mezbûreden nakd-i râyic-i re’s-i ayda iki yüz akçe-i mukâssat üç bin kırk akçe ve Mustafa Çelebi’ye ayda ikişer yüz akçe-i mukâssat on bin akçenin her ay zikr olunan ikişer yüz akçeyi mezbûrâna edâya izin verdim dedikde, gıbbe’t-tasdîk ve’l-kabûl mâ vaka‘a ketb şüd. Fî 4 Rebî‘ilevvel sene [10] 27. Şuhûdü’l-hâl: Murad b. Mehmed, Mustafa b. Mehmed, Musli b. Cafer ve gayruhüm.