|
İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 110 Hüküm no: 94 Orijinal metin no: [9a-7] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Mehmed b. Ali’nin kızı Fâtıma’ya nafaka tayini
Mahmiye-i İstanbul mahallâtından Yakub mahallesinde vefât eden Mehmed b. Ali nâm kimesnenin sulbiye sagīre kızı olup, hâlâ ceddesi işbu hâmiletü’l-kitâb Fahrî bt. Abdullah nâm hâtunun hucr ve terbiyesinde olan Fâtıma nâm sagīrenin nafaka ve kisve ve sâir levâzım-ı zarûriyyesi için babası müteveffâ-yı mezbûrdan irs-i şer‘î ile kendüye intikāl eden emvâlinden ceddesi mezbûre talebi ile yevmî üç akçe nafaka takdîr olunup, meblağ-ı mezbûru sagīre-i mezkûreye sarfa ve vakt-i zarûretde istidâne ve vakt-i zaferde vasîsi olan merkūmeye rücû‘a kıbel-i şer‘den izin verilip, gıbbe’t-taleb ketb olundu. Tahrîren fi’l-yevmi’s-sâmin [min] şehri Rebî‘ilevvel li sene seb‘a ve ışrîn ve elf.
Şuhûdü’l-hâl: Hacı Veli b. Bayezid, Nasûh b. Yusuf, Hüseyin b. Ali, Kenan b. Abdullah.
|