Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 137 Hüküm no: 104 Orijinal metin no: [22a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Portakal Cemaati’nden Avraham v. Ekmel’in hapisten ıtlakı İhrâc mine’s-sicn Medîne-i Galata zindanında hâlâ zindancı olan Osman Bey b. Abdullah meclis-i şer‘-i şerîf-i enverde cihet-i karz-ı şer‘îden zimmetinde hakkı olan altmış bin akçe için üç ay sicn-i sultânîde mahbûs olup Portakal cemâ‘atinden Avraham v. Ekmel nâm Yahûdi muvâcehesinde takrîr-i kelâm edip mezbûr Avraham hapisden ıtlâk olunup bey‘ ü şirâ ve kesb-i ma‘âş edip kesbinden meblağ-ı mezbûru bana edâ etmek enfa‘ olmağın mezbûr Avraham’ı sicn-i mezbûrdan ıtlâk eyledim dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’l-hâdî ve’l-ışrîn min-Cemâziyelâhir li-sene ihdâ ve semânîn ve elf. Şuhûdü’l-hâl: Mehmed Ağa b. Abdullah, Mustafa Çelebi b. Abdullah, Şükrullah Bey b. Mustafa.