|
İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 126 Hüküm no: 119 Orijinal metin no: [12b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
İstanbul’a koyun getirmekle görevli Mihal v. Petro’nun Beroviçe Kazası’ndan koyun satın alma işini Filibeli Mehmed Bey’e verdiği
Hâssa sürücülerden Mihal v. Petro nâm zimmî mahfil-i kazâda Rumeli’nde medîne-i Filibe sâkinlerinden Mehmed Bey b. Şaban es-sarrâcü’s-sultânî mahzarında takrîr-i kelâm edip, işbu sene-i mübârekede cem‘ ü tahsîline me’mûr olduğum ağnâmdan Bergoviçe Kazâsı ahâlîsinin ber-mûceb-i defter-i hâkānî her bir re’se otuz birer akçeye olmak üzre edâsı lâzım olan bin sekiz yüz otuz beş re’s ganemin cem‘ ü tahsîlini, elli yedi bin beş yüz akçeye mezbûr Mehmed Bey’e der-uhde etdim, ol dahi minvâl-i muharrer üzre ta‘ahhüd ü kabûl ettikden sonra, ber vech-i peşin yedinden otuz bin akçesini ahz u kabz etdim yirmi yedi bin beş yüz akçem bâkī kaldı dedikde, gıbbe’t-tasdîki’ş-şer‘î yine medîne-i mezbûre sâkinlerinden Yakub b. Hasan nâm râcil bast-ı merâm edip, mezbûr Mehmed Bey’in şer‘an zimmetine lâzımü’d-deynine emr ve kabûlü hâviye kefâlet ile kefîl oldum dedikde, mâ hüve’l-vâki‘ bi’t-taleb ketb olundu. Hurrire fi’l-yevmi’s-sânî aşer min [şehri] Rebî‘ilevvel li sene seb‘a ve ışrîn ve elf.
Şuhûdü’l-hâl: Abdülbâkī Çelebi el-müderris, İbrahim Çavuş b. Hasan, Ali Beşe b. ( ), Hamza b. Mustafa.
|