|
İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 132 Hüküm no: 130 Orijinal metin no: [13b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Mehmed b. Abdullah’ın Dimitri v. Yorgi’deki alacağını ispat edemediği
Mehmed b. Abdullah nâm râcil meclis-i şer‘-i şerîfde işbu râfi‘ü’l-kitâb Dimitri v. Yorgi nâm zimmî üzerine da‘vâ edip, târih-i kitâbdan sekiz yıl mukaddem her keyl-i otuzar akçe olmak hesâbı üzre mezbûr Dimitri’ye kırk keyl buğday unu bey‘ eyledim suâl olunup kıymetin taleb ederim dedikde, gıbbe’s-suâl ve akībü’l-inkâr müdde‘î-i mezbûrdan da‘vâsına muvâfıka beyyine taleb olundukda ityân-ı beyyineden izhâr-ı acz edip istihlâf edicek, mezbûr Dimitri mersûm Mehmed Beşe’den zikr olunan unu iştirâ eylemediğine yemîn billâhi’llezî enzele’l-incîle alâ İsa -aleyhi’s-selâm- edicek, mâ hüve’l-vâki‘ bi’t-taleb ketb olundu. Tahrîren fi’l-yevmi’l-hâmis aşer min şehri Rebî‘ilevvel li sene seb‘a ve ışrîn ve elf.
Şuhûdü’l-hâl: Himmet b. Mustafa, Musli b. Cafer, Musa b. Mehmed ve gayruhüm mine’l-hâzırîn.
|