|
İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 144 Hüküm no: 150 Orijinal metin no: [16a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
İvraniye Kazası’ndan satın alınacak koyunlar için Koyun Sürücüsü Dimitraki’ye para verildiği
Hâssa sürücülerden Dimitraki nâm zimmî meclis-i şer‘de sâbıkan yeniçeri ağasının dîvân kâtibi olan bâ‘isü’l-kitâb mefharü’l-emâcid ve’l-a‘yân Hamza Efendi tarafından ikrâr-ı âti’z-zikri tasdîka nehc-i şer‘î üzre vekâleti sâbite olan fahrü’l-cüyûş Fazlı Çavuş b. Yunus muvâcehesinde ikrâr edip, Rumeli’nde İvranye Kazâsı re‘âyâsından bin yirmi altı senesine mahsûb olmak üzre cem‘i fermân olunan iki bin beş re’s ağnâmın otuzar akçe hesâbı üzre taraf-ı mîrîye âide kıymeti olan cem‘an altmış bin yüz elli akçeyi, me’mûriyetim hasebiyle bi’t-tamâm müvekkil-i mezbûr yedinden alıp kabz eyledim dedikde, gıbbe’t-tasdîk-i vicâhen mâ vaka‘a kayd olundu. Fi’t-târihi’l-mezbûr.
Şuhûdü’l-hâl: Hızır b. Şaban, el-Hâc Ahmed el-muhtâr, Mustafa Bâşe çukadâr, Mustafa b. Hamza, Murad b. Mehmed, Ahmed b. Abdullah ve gayruhüm.
|