İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 150 Hüküm no: 160 Orijinal metin no: [17a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Efendi b. İvaz’ın Kasım Paşa câmii vakfına olan borcunu ödediği Mahmiye-i Galata hâricinde vâki‘ merhûm Kasım Paşa câmi‘-i şerîfi vakfına bi’l-fi‘il mütevellî olan mefharü’l-emâcid Mustafa Bey b. Ferhad meclis-i şer‘-i şerîfde umdetü’l-muhakkikīni’l-kirâm zübdetü’l-müdekkıkīni’l-fihâm Ahmed Efendi b. el-merhûm İvaz eş-şehîr Mücellâ Efendi muvâcehesinde tâyi‘an ikrâr ve ta‘bîr ani’l-merâm edip, vakf-ı mezbûr mâlından bi tarîki’l-murâbaha mûmâ-ileyh Ahmed Efendi zimmetinde on bin fıdda akçe var idi. El-hâletü hâzihî tevliyyetim hasebiyle meblağ-ı merkūm on bin akçeyi vakf için bi’t-tamâm müşârun-ileyh Ahmed Efendi yedinden alıp kabz eyledim. Min ba‘d asl-ı mâldan ve târih-i kitâba gelince lâzım olan ribhinden zimmetlerinden bir akçe ve bir habbe bâkī kalmadı dedikde, mütevellî-i mezbûru ikrâr-ı meşrûhunda el-mukarru lehü’l-mûmâ-ileyh vicâhen tasdîk edicek, mâ hüve’l-vâki‘ bi’t-taleb ketb olundu. Tahrîr[en] fî evâhiri şehri Rebî‘ilevvel li sene seb‘a ve ışrîn ve elf. Şuhûdü’l-hâl: Seyfullah Efendi b. Musa, Derviş Efendi b. Kasım, Mustafa Çelebi b. Mehmed, İbrahim Çelebi.