Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 83 Hüküm no: 60 Orijinal metin no: [9b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ebûbekir b. Ahmed’in bir işin halli için Hasan’a verdiği parayı geri aldığı Vilâyet-i Anadolu’da Karapınar kazâsına tâbi‘ Abak nâm karyede sâkin Ebûbekir b. Ahmed nâm kimesne meclis-i şer‘-i şerîfde vilâyet-i merkūmede Kiriş ma‘a Deble? kazâsı ahâlîsinden İbrahim Beşe b. Hasan nâm kimesne muvâcehesinde ikrâr ve takrîr-i kelâm edip mezbûr İbrahim Beşe’nin babası merkūm Hasan’a bir husûsun temşiyeti için altmış guruş def‘ ve teslîm etmişdim, lâkin husûs-ı mezbûrun husûlü müyesser olmadı, meblağ-ı merkūm altmış guruşu istirdâd eylediğimde mezbûr İbrahim Beşe yedinden bi’t-tamam ahz u kabz edip mezbûr Hasan yedinde meblağ-ı mezbûrdan bir akçe ve bir habbe hakkım kalmadı dedikde mâ-vaka‘a kayd şüd. Fi’t-târîhi’l-mezbûr. Şuhûdü’l-hâl: Mahmud Beşe b. Mehmed, Muslı b. Süleyman, Hasan Beşe b. Ebûbekir, Hasan Beşe b. ( ) Pazarcı ve gayruhum.