Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 83 Hüküm no: 61 Orijinal metin no: [9b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Bey ile Semhun bt. Aslan’ın boşandıkları Mahmiye-i İstanbul’da Çelebioğlu Mahallesi’nde sâkin Mehmed Bey b. Abdullah el-cündî meclis-i şer‘-i hatîr-i lâzımü’t-tevkīrde zevcesi işbu bâ‘isü’r-rakīm Mesina cemâ‘atinden Semhun bt. Aslan nâm Yahûdiye muvâcehesinde ikrâr ve takrîr-i kelâm edip mezbûre Semhun üç bin akçe sıdâk-ı müeccel ile zevcem olup hâlâ mezbûreyi talâk-ı bâyin ile tatlîk eyledim ve mezbûreye huliy kısmından ve sâirinden eylediğim eşyâ-yı mezbûreyi hibe ve temlîk ve teslîm eyleyip ol dahi ittihâb ve tesellüm ve kabûl eylemişdir, min-ba‘d zikr olunan eşyâya müte‘allika zevcem mezbûre ile da‘vâ ve nizâ‘ım kalmayıp zimmetini ibrâ ve ıskāt eyledim, da‘vâ dahi edersem lede’l-hükkâm istimâ‘ ve ısgā olunmasın dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’t-tâsi‘ aşer min-Şa‘bâni’l-mu‘azzam li-sene selâse ve sittin ve elf. Şuhûdü’l-hâl: Ali Bey b. Abdullah el-cündî, Ahmed Bey b. Abdullah, Mehmed Beşe b. Çukadâr, İbrahim Çelebi b. Davud, Rıdvan Beşe b. Abdullah, Pîrî Beşe b. Hüseyin, Derviş b. Ali.