Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 144 Hüküm no: 113 Orijinal metin no: [24a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eşinden boşanan Fatıma’nın oğlunun nafakasını karşılayacağına dair taahhütte bulunması Mahmiye-i İstanbul’da Ayasofya mahallesinde sâkine Fâtıma bt. İbrahim nâm hatun meclis-i şer‘-i şerîfde zevc-i mutallıkı bâ‘isü’l-kitâb Mehmed b. Ömer nâm kimesne mahzarında ikrâr-ı tâm ve takrîr-i kelâm edip mezbûr Mehmed beni tatlîk etmeğin ikimizden mütevellid sagīr oğlum Ömer hacr ve terbiyemde olup lâkin hâlâ ben ecnebî zevc-i âhara nefsimi tezvîc etmekle hakk-ı hıdâne benden sâkıt olmağın mezbûr Ömer’i babası merkūm Mahmud’dan nafaka taleb etmeyip târîh-i kitâbdan beş sene tamâmına değin kendi malım ile infâk ve iksâya ta‘ahhüd eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’t-tâsi‘ aşer min-Cumâdelâhire li-sene ihdâ ve semânîn ve elf. Şuhûdü’l-hâl: Abdi Çelebi b. Hüseyin, Şükrullah Bey b. Mustafa, Mustafa Çelebi b. el-Hâc Ahmed, Mehmed b. Ramazan.