İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 176 Hüküm no: 206 Orijinal metin no: [22b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Abdullah’ın Avarızı vakfına olan borcunun tahsil edildiği Mahmiye-i İstanbul’da Kızıltaş mahallesi mescidinde müezzin olup, mahalle-i mezbûra avârızına vakf olan nukūdun hâlâ mütevellîsi olan Mustafa Halife b. Mehmed meclis-i şer‘-i şerîfde mahalle-i mezbûre mescidi vakfına bi’l-fi‘il mütevellî olan bâ‘isü’l-kitâb Ali Subaşı b. Abdülvehhâb mahzarında ikrâr ve takrîr-i kelâm edip, mahalle-i mezbûre vakfına sâbıkan mütevellî olan Mustafa b. Abdullah yedinde nukūd-ı mezbûrdan sekiz bin akçe olup, mezbûr Ali Subaşı mahalle-i merkūme mescid-i mütevellîsi olmağla meblağ-ı merkūm sekiz bin akçeyi merkūm Mustafa’dan ahz u kabz [edip], el-hâletü hâzihî meblağ-ı merkūm sekiz bin akçeyi mezbûr Ali Subaşı yedinden tevliyyetim hasebiyle alıp vakf-ı avârız için kabz [etdim] dedikde, mukırr-ı mezbûru vech-i meşrûh üzre ikrârını mersûm Ali Subaşı bi’l-muvâcehe tasdîk edicek, mâ hüve’l-vâki‘ bi’t-taleb ketb olundu. Tahrîren fi’l-yevmi’l-hâmis min şehri Rebî‘ilâhir sene seb‘a ve ışrîn ve elf. Şuhûdü’l-hâl: Pervâne Ağa b. Abdülmennân, Halil Efendi el-imâm, Ferruh Bey b. Abdullah, Ali Bey b. Abdullah, Yakub el-kayyım.