İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 196 Hüküm no: 241 Orijinal metin no: [26a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muharrem b. Bâli’nin Sultan Hâtun Vakfı’ndan ödünç aldığı Mahmiye-i İstanbul’da Sultan Hâtun vakfına mütevellî olan Hüseyin b. Musa mahfil-i kazâda, Muharrem b. Bâli nâm kimesne mahzarında [takrîr-i] kelâm edip, mezbûr Muharrem zimmetinde asl-ı mâl-ı vâkıfdan bin akçe ve ribh-i şer‘îden iki yüz elli akçe, cem‘an bin iki yüz elli akçem vardır, tevliyyetim hasebiyle taleb ederim dedikde, gıbbe’s-suâl mezbûr Muharrem cevâbında, fi’l-hakīka zimmetimde mâl-ı vakf-ı mezbûrdan vech-i mübîn üzre bin iki yüz elli akçe vardır deyû bi tav‘ihî ikrâr ve i‘tirâf etmeğin, i‘tirâfı mûcebince meblağ-ı mezbûrun edâsına merkūm Muharrem’e tenbîh-i şer‘î kılınıp, mâ hüve’l-vâki‘ gıbbe’t-taleb ketb olundu. Tahrîren fi’l-yevmi’s-sânî min şehri Rebî‘ilâhir min şuhûri sene seb‘a ve ışrîn ve elf. Şuhûdü’l-hâl: Himmet b. Mustafa el-havâle, Murad b. Mehmed, Nebi b. İbrahim ve gayruhüm mine’l-hâzırîn.