İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 198 Hüküm no: 245 Orijinal metin no: [26b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Badracık kazası Remine köyündeki otuz altı adet tarlanın dört kişinin ortak kullanması Vilâyet-i Rumeli’nde Badracık kazâsına tâbi‘ Remine nâm karye sâkinlerinden Lambo v. Dimo ve Yani v. Pereşkere ve Dimo v. Dizo nâm zimmîler meclis-i şer‘-i şerîfde, yine karye-i mezbûre sâkinlerinden Todori v. Yani nâm zimmî mahzarında takrîr-i kelâm edip, karye-i mezbûra kurbunda vâki‘ inde’l-ahâlî ve’l-cîrân ma‘lûmü’l-hudûd olan otuz kıt‘a tarlaları sâhib-i arzdan dördümüz ale’s-seviyye tasarruf etmek üzre iştirâken tefevvüz etmişken, mezbûr Yani yalnız ben tefevvüz etdim der imiş, suâl olunup takrîri tahrîr olunmasın taleb ederim dedikde, gıbbe’s-suâl mezbûr Yani cevâbında, fi’l-vâki‘ zikr olunan tarlaları ale’s-seviyye dördümüz tasarruf etmek üzre şirket ile tefevvüz ettik, yalnız birimiz tefevvüz etmedi dedikde, vâki‘ hâl zabten li’l-makāl zimmîyyûn-ı mezbûrûn talebleriyle ketb olundu. Hurrire fi’l-yevmi’s-sâdis ve’l-ışrîn fî şehri Rebî‘ilâhir sene seb‘a ve ışrîn ve elf. Şuhûdü’l-hâl: Hızır b. Abdullah, Mehmed b. Cafer, Murad b. Mehmed ve gayruhüm.