İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 233 Hüküm no: 304 Orijinal metin no: [34a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstemad v. Andriye’nin, Yorgi v. Todor’a verdiği emânet parayı varislerinden tahsil ettiği Vilâyet-i Mora’da Karitene kazâsında Modoradik nâm karyeden İstemad v. Andriye nâm zimmî mahfil-i kazâda, karye-i merkūmeden olup mukaddemâ hâlik olan Yorgi v. Todor’un li ebeveyn karındaşı olup, kendi tarafından asıl ve diğer karındaşları İstati ve Mali ve Doroşno tarafından husûs-ı âtîye vekîl olan Pavlo nâm zimmî muvâcehesinde ikrâr edip, hâl-i hayâtında hâlik-i mezbûra yedi bin akçe emânet vaz‘ etmiş idim. Hâlâ meblağ-ı merkūmu mersûm Pavlo yedinden bi’t-tamâm alıp kabz eyledim dedikde, mukırr-ı merkūmun ikrârın el-mukarru lehü’l-mezbûr vicâhen tasdîk etdikden sonra, mâ hüve’l-vâki‘ bi’t-taleb [ketb olundu]. Fî 7 Cemâziyelevvel [li sene seb‘a ve ışrîn ve elf]. Şuhûdü’l-hâl: Mustafa b. Abdullah, Mehmed b. Hızır er-râcil, Sinan b. Abdullah er-râcil, Yorgi [v.] Dimo, Yorgi [v.] Nikola, Petro [v.] Yani ve gayruhüm.