İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 237 Hüküm no: 310 Orijinal metin no: [34b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Mehmed’in kendisine ait odalardan birinin tasarruf hakkını annesi Raziye’ye vermesi Mahmiye-i İstanbul’da ( ) mahallesi sâkinlerinden Mehmed b. Mehmed meclis-i şer‘de, vâlidesi olan işbu sâhibetü’l-kitâb Raziye bt. Musa nâm hâtun mahzarında ikrâr ve takrîr-i kelâm edip, mahalle-i mezbûrede vâki‘ merhûm Kara Emin vakfından olup, vâkıf-ı sâlife intimâ’ ile tecdîd ve tavsîfden müstağnî olan birbirine muttasıl dört bâb odalar, babam mezbûr Mehmed’in icâre-i mu‘accele ve müeccele ile taht-ı tasarrufunda olup, ba‘de vefâtihî hakk-ı tasarrufu bi hasebi’l-kānûn bana intikāl etmiş idi. El-hâletü hâzihî mukaddemâ vâlidem mezbûre Raziye sâkine olup, bâb tarafından ikinci vâki‘ olan odanın hakk-ı tasarrufu mütevellî-yi vakf-ı mezbûr ma‘rifetiyle vâlidem mezbûre Raziye’ye fâriğ oldum. Ba‘de’l-yevm keyfe mâ yeşâ mutasarrıfe ola dedikde, mukırr-ı mezbûrun vech-i meşrûh üzre ikrârın mezbûre Raziye bi’l-muvâcehe tasdîk edicek, mâ hüve’l-vâki‘ bi’t-taleb ketb olundu. Hurrire fi’l-yevmi’l-hâmis aşer min Cemâziyelevvel li sene seb‘a ve ışrîn ve elf. Şuhûd[ü’l-hâl]: Fazlı Çelebi, Mehmed Çelebi, Kadri b. Mustafa.