Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 153 Hüküm no: 126 Orijinal metin no: [26b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Petro v. Niko’nun borcu olduğunu ikrâr etmesi Hüccet-i ikrâr-ı deyn ve kefîl Mahmiye-i İstanbul hısnı ebvâbından Fenerkapısı dâhilinde Abdisubaşı mahallesinde sâkin Petro v. Niko nâm zimmî meclis-i şer‘-i şerîf-i lâzımü’t-teşrîfde Silye [Sisilya] cemâ‘atinden Malka bt. Aslan nâm Yahûdiye muvâcehesinde bi’t-tav‘i’s-sâf ikrâr ve takrîr-i kelâm edip cihet-i karz-ı şer‘îden zimmetimde lâzımü’l-edâ ve vâcibü’l-kazâ yüz otuz kıt‘a esedî guruş deynim vardır dedikde gıbbe’t-tasdîkı’ş-şer‘î mezbûr Petro’nun oğlu işbu hâzır bi’l-meclis Asaniye v. Petro nâm zimmî meblağ-ı mezbûr yüz otuz kıt‘a esedî guruşa tarafeynden emr ü kabûlü hâviye kefâlet-i sahîha-i şer‘iyye ile kefîl olmağın mâ-hüve’l-vâki‘ bi’t-taleb ketb olundu. Fi’l-yevmi’s-sâmin ve’l-ışrîn min-Cemâziyelâhire li-sene ihdâ ve semânîn ve elf. Şuhûdü’l-hâl: Ahmed Efendi b. ( ), Abdi Çelebi b. Hüseyin, Süleyman Çelebi b. Hasan, Osman b. Mehmed, Mustafa Çelebi b. el-Hâc Ahmed.