Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 156 Hüküm no: 131 Orijinal metin no: [27b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cariye bedelinden olan borcunu ödemesi hususunda Mehmed Efendi’ye tenbihte bulunulması Mahmiye-i İstanbul’da Karagümrük kurbünde Ali Paşa-i atîk mahallesinde sâkine Râbia bt. Hamza nâm hatun meclis-i şer‘-i şerîfde Mehmed Efendi b. Osman nâm kimesne mahzarında üzerine da‘vâ ve takrîr-i kelâm edip mezbûr Mehmed Efendi zimmetinde târîh-i kitâbdan dört sene mukaddem yedimden iştirâ ve kabz etdiği evsâfı beynimizde ma‘lûm câriye bahâsından doksan iki esedî guruş hakkım olup bundan akdem mezbûr Ali Efendi yedinden otuz üç esedî guruşunu ahz u kabz edip bâkī elli dokuz esedî guruş hakkım zimmetinde kalmışdı. Suâl olunup meblağ-ı bâkī-i mezbûrun mezbûr Mehmed Efendi’den alıverilmesi matlûbumdur dedikde, gıbbe’s-suâl mezbûr Mehmed Efendi cevâbında fi’l-hakīka müdde‘î-i mezbûra yedinden iştirâ ve kabz etdiğim evsâfı beynimizde ma‘lûm câriye bahâsından müdde‘î-i mezbûreye elli dokuz esedî guruş zimmetimde vâcibü’l-edâ ve lâzımü’l-kazâ deynim vardır deyü tâyi‘an ikrâr u i‘tirâf etmeğin mûcebince meblağ-ı mezbûr elli dokuz esedî guruşu müdde‘iye-i mezbûreye edâ ve teslîme mezbûr Mehmed Efendi’ye tenbîh olunmağın mâ-vaka‘a bi’t-taleb ketb olundu. Fî-gurreti Recebi’l-ferd li-sene ihdâ ve semânîn ve elf. Şuhûdü’l-hâl: Ali Çavuş el-mübâşir, Mustafa Çelebi b. el-Hâc Ahmed, İbrahim Çelebi b. Ahmed, Şükrullah Bey b. Mustafa ve gayruhum.