İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 282 Hüküm no: 388 Orijinal metin no: [44a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mihal v. Niko’nun, Şilo v. Nikola’ya olan borcunu havale sûretiyle ödemesi Zimmî tâ’ifesinden Mihal v. Niko meclis-i şer‘-i şerîfde Şilo v. Nikola nâm zimmî muvâcehesinde takrîr-i kelâm edip, merkūm Şilo’ya karz-ı şer‘îden on yedi bin beş yüz akçe deynim olup meblağ-ı merkūmun dört bin akçesine bundan akdem Yorgi v. Yani nâm zimmîden havâle-i sahîha-i şer‘iyye ile havâle edip ol dahi kabûl etmiş idi. El-hâletü hâzihî meblağ-ı bâkī on üç bin beş yüz akçeyi, işbu meclisde hâzır olan Şiro v. Nikola’dan îcâb-ı muhîl ve kabûl-i muhtâl ve rızâ-yı muhtâlun aleyhim câmi‘a havâle-i sahîha-i şer‘iyye hâvâle eyledim [de]dikde, gıbbe’t-tasdîki’ş-şer‘î mâ hüve’l-vâki‘ gıbbe’t-taleb ketb olundu. Tahrîren fi’l-yevmi’s-sâmin ve’l-ışrîn min Cemâziyelevvel li sene seb‘a ve ışrîn ve elf. Şuhûd[ü’l-hâl]: Sinan b. Abdullah [el-]muhzır, Mehmed b. Ahmed er-râcil, Hasan b. Mustafa, Yusuf b. Halil ve gayruhüm.