İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 295 Hüküm no: 411 Orijinal metin no: [46b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Abdullah ile Apostol v. Yorgi arasındaki eşya davasının anlaşma ile sonuçlandığı Mehmed b. Abdullah nâm kimesne şer‘-i şerîfde Apostol v. Yorgi nâm zimmî mahzarında takrîr-i kelâm edip, bundan akdem mezbûr Apostol bana, sen benim zevcem Marine bt. Andon nâm zimmîyeyi ıdlâl edip ba‘zı eşyâmı ahz ettin deyû da‘vâ etdikde, ben dahi mezkûr Apostol’dan beynimizde ma‘lûm ba‘zı eşyâ taleb etmiş idim. El-hâletü hâzihî târih-i kitâba gelince ettiğimiz de‘âvîden (de‘âvâdan) her birimizin zimmetini ibrâ-ı âm ile ibrâ etdik dedikde, mezbûr Mehmed’i ikrâr-ı meşrûhunda mezkûr Apostol bi’l-muvâcehe tasdîk edip, mâ hüve’l-vâki‘ gıbbe’t-taleb ketb olundu. Hurrire fi’l-yevmi’r-râbi‘ aşer min Cemâziyelâhir li sene seb‘a ve ışrîn ve elf. Şuhûdü’l-hâl: Hızır b. Abdullah, Murad b. Mehmed, Mustafa b. Cafer ve gayruhun mine’l-hâzırîn.