İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 307 Hüküm no: 433 Orijinal metin no: [49b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Abdullah’ın, Mustafa b. Abdullah’taki alacak davasından vazgeçtiği Mahmiye-i İstanbul’da Lanka kurbunda vâki‘ Koğacı Dede mahallesi sâkinlerinden Mehmed b. Abdullah nâm kimesne meclis-i şer‘-i şerîf-i lâzımü’t-teşrîfde hâmilü hâze’l-kitâb Mustafa b. Abdullah nâm kimesne muvâcehesinde ikrâr ve takrîr-i kelâm edip, bundan akdem mezbûr Mustafa zimmetinde mâ beynimize ilm-i şer‘î ile ma‘lûm koyun bahâsından bin altı yüz akçe hakkım vardır deyû merkūm Mustafa’dan da‘vâ ve taleb ettiğimde inkâr etmeğin, beynimizde nizâ‘ vâki‘ olmuş idi. El-hâletü hâzihî zikr olunan koyun bahâsından olan meblağa müte‘allika de‘âvî ve husûmâtdan merkūm Mustafa’nın zimmetini ibrâ-i âmm-ı kātı‘ li’d-da‘vâ ile ibrâ etdim, ba‘de’l-yevm husûs-ı mezbûra müte‘allik benden asâleten veya vekîlimden vekâleten da‘vâ sâdır olursa lede’l-hükkâm-ı zevi’l-ihtirâm mesmû‘a olmaya dedikde, mukırr-ı mezbûr Mehmed’i ikrâr-ı meşrûhunda merkūm Mustafa vicâhen tasdîk ve şifâhen tahkīk edicek, mâ hüve’l-vâki‘ gıbbe’t-taleb ketb ve yed-i tâlibe vaz‘ olundu. Tahrîren fî evâsıtı Cemâziyelâhir li sene seb‘a ve ışrîn ve elf. Şuhûdü’l-hâl: Es-Sâbikūn.