İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 307 Hüküm no: 434 Orijinal metin no: [49b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Halil b. İbrahim’in, Mustafa b. Abdullah’taki alacak davasından vazgeçtiği Mahmiye-i İstanbul’da Lanka kurbunda Koğacı Dede mahallesi sâkinlerinden Halil b. İbrahim nâm kimesne meclis-i şer‘-i kavîmde hâmil-i hâze’l-kitâb Mustafa b. Abdullah nâm kimesne muvâcehesinde ikrâr ve takrîr-i kelâm edip, bundan akdem mezbûr Mustafa zimmetinde karz-ı şer‘îden iki bin altı yüz akçe hakkım vardır deyû da‘vâ ve taleb ettiğimde, mezbûr Mustafa inkâr etmekle mâ beynimizde nizâ‘ vâki‘ olmuş idi. El-hâletü hâzihî zikr olunan meblağa müte‘allik olan de‘âvî ve husûmâtdan merkūm Mustafa’nın zimmetini ibrâ-i âmm-ı kātı‘ li’d-da‘vâ ile ibrâ etdim dedikde, mukırr-ı mezbûr Halil’i vech-i muharrer üzre sâdır olan ikrârında el-mukarru lehü’l-mezbûr Mustafa vicâhen tasdîk ve şifâhen tahkīk edicek, mâ hüve’l-vâki‘ gıbbe’t-taleb ketb ve yed-i tâlibe vaz‘ olundu. Tahrîren fî evâsıtı Cemâziyelâhir li sene seb‘a ve ışrîn ve elf. Şuhûdü’l-hâl: Es-Sâbikūn.