Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 84 Hüküm no: 63 Orijinal metin no: [10a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Abdullah ile Tahir b. Mirzacan’ın boşandıkları Mahmiye-i İstanbul’da Avratpazarı kurbünde sâkine Fâtıma bt. Abdullah nâm hatun mahfil-i kazâda zevc-i mutallıkı işbu Tahir b. Mirzacan muvâcehesinde ikrâr ve takrîr-i kelâm edip zevcim mezbûr Tahir talâk-ı bâyin [ile] beni tatlîk etmekle ma‘kūdün-aleyh beş yüz akçe mehr-i müeccelim zimmetinde bâkī kalmışdı. El-hâletü hâzihî zikr olunan beş yüz akçe mehr-i müeccelimi ve nafaka-i iddetim için takdîr olunan iki yüz elli akçemi yedinden bi’t-tamam ahz u kabz eyledim, mezbûr Tahir zimmetinde bir akçe hakkım bâkī kalmadı, zevciyete ve gayra müte‘allik da‘vâ-yı (...) mezbûru ibrâ ve ıskāt eyledim dedikde gıbbe’t-tasdîk mâ-vaka‘a kayd şüd. Fi’t-târîhi’l-mezkûr. Şuhûdü’l-hâl: Es-Seyyid Mehmed Efendi b. es-Seyyid Ali, Mehmed Efendi b. el-Hâc Mustafa, Hasan Çelebi b. Kanber, İbrahim Çelebi b. Davud.