İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 346 Hüküm no: 503 Orijinal metin no: [58a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali Halife Vakfı’na mütevellî tayini Mahmiye-i Kostantıniyye’de Çukurhamam kurbunda vâki‘ Kırkkilise mahallesinde vâki‘, merhûm Ali Halife vakfına yevmî buçuk akçe ile mütevellî olan Reşid b. Cafer nâm kimesne vefât edip, yeri mahlûl olmağın, işbu istikāmet ile mevsûf ve diyânet ile ma‘rûf olan hâmil-i hâze’l-kitâb Yusuf b. Abdullah nâm kimesne hizmet-i tevliyyet uhdesinden gelir kimesne olmağın, cânib-i şer‘-i kavîmden vazîfe-i merkūme ile vakf-ı mezbûr üzerine mütevellî nasb u ta‘yîn olunup, ol dahi tevliyyet-i mezkûru kabûl ve hizmet-i lâzımesin edâya ta‘ahhüd ettikde, mâ hüve’l-vâki‘ bi’t-taleb ketb olundu. Tahrîren fî şehri Recebi’l-ferd li sene seb‘a ve ışrîn ve elf. Şuhûdü’l-hâl: Mahmud b. Hasan, Abdülkerim [b.] Zülfikar, Ahmed [b.] Hızır, Mahmud [b.] Durasın, Himmet [b.] Bayram, Musa [b.] Bayram, Budak [b.] Hacı ve gayruhüm.